അഞ്ചൽ : മലയോര ഹൈവേയിൽ അഞ്ചൽ കുളത്തൂപ്പുഴ പാതയിൽ കെഎസ്ആർടിസി ബസിനടിയിൽപ്പെട്ട 19 കാരന് ദാരുണാന്ത്യം. ഏരൂർ ചില്ലിംഗ്പ്ലാന്റ് ആലുംമൂട്ടിൽ തെക്കേതിൽ രാജൻ -കുമാരി ദമ്പതികളുടെ മകൻ അതുൽ രാജാണ് മരിച്ചത്.
ഇന്നലെ പതിനൊന്നരയോടെ ആലഞ്ചേരി രാധാമാധവ ക്ഷേത്രത്തിന് മുന്നിൽ വച്ചായിരുന്നു അപകടം. കുളത്തൂപ്പുഴ ഭാഗത്തേക്ക് പോവുകയായിരുന്ന കെഎസ്ആർടിസി ബസിന്റെ പിൻഭാഗത്തേക്ക് എതിർ ദിശയിൽ സ്കൂട്ടറിൽ എത്തിയ അതുൽ വീഴുകയായിരുന്നു. അതുൽ രാജ് സംഭവ സ്ഥലത്ത് വച്ചുതന്നെ മരിച്ചു.
പിന്നീട് ഏരൂർ പോലീസും നാട്ടുകാരും ചേർന്ന് ആംബുലൻസ് എത്തിച്ച് മൃതദേഹം അഞ്ചലിലെ സ്വകാര്യാശുപത്രിയിലേക്ക് മാറ്റി. അമൽ രാജാണ് മരിച്ച അതുൽ രാജി െന്റ ഏക സഹോദരൻ. മൃതദേഹം പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടു നൽകി. വിദേശത്തുള്ള പിതാവ് എത്തിയ ശേഷമാകും സംസ്കാരം എന്ന് ബന്ധുക്കൾ അറിയിച്ചു.